காதல் வலி..!

தெரிந்திடுமா காதல் வலி
அறிந்திடுமே காதல் விழி
இது கனவா புது உறவா
காதல் ஒரு பல்லாங்குழி
பள்ளம் மேடு தாண்டித்தானே
காதல் வரும் முன்னாலே

மேகம்கூட உன்தன் முகத்தை காட்டிப் போகுதே
தேகம்கூட உன்தன் வரவை விரும்பி கேட்குதே
சுவாசம் முழுதும் கன்னி உன்தன் நினைவு நிரம்புதே
வாசம் வீசும் பூக்கள் உன்தன் பேரைச் சொல்லுதே
மொழிபேசும் உன்வாசம் விழியோரம் உன் நேசம்
புதுசா இருக்கே இந்த அனுபவம்

குருவிக்கூட்டம் இங்கே பறக்கும் மனசுபோல திரியும்
அருவிசாரல்கூட அவ சிரிப்பைப்போல இருக்கும்
தெருவோரம் நடந்தாலே பூப்பூக்கும் மண்மேலே
கடிகாரம் பார்த்தாலே உன் ஓட்டம் தெரியும்
பறந்துவருவியா தன்ன மறந்து வருவியா
இதுதானா காதல் உணரும் வலி

- காகிதன்

(2007ம் ஆண்டு தமிழ்மன்றத்தில் கஜினி என்ற பெயரில் ஒரு சினிமா பாடல் தொனியில் எழுதியது)

மண்..!

உன்னால் எத்தனை
மண்ணைத்தான் தின்ன முடியும்
மண்ணோ உன்போல்
எத்தனை பேரையும்..!

- காகிதன்

தமிழ் தோ(மொ)ழி

இது கனவா
இது நினைவா
இது இரண்டா
பதில் சொல்லு இறைவா..!

வழியோரம் நான் நடக்க
வழிசொல்லும் ஒரு கிள்ளை
பழி பாவம் அறியாத
பாங்கான ஒரு முல்லை..!

இது உறவா
இது பகையா
இது இரண்டா
பதில் சொல்லு இறைவா..!

பதமாகா மனதோடு இதமாக பேசியவள்
புதிராகத் தோன்றுகிறாள்..!
பயமான மனதோடு
படபடக்கும் என்னிதம்..

இது வரமா
இது சாபமா
இது இரண்டா
பதில் சொல்லு இறைவா..!

அலைபாயும் மனதோடு
விளையாடும் சிறு மாது..!
நிலைகுலைந்த என்மனது
உணர்ந்திடுமா மெய்நிலையை...

இத நிழலா
இது நிஜமா
இது இரண்டா
பதில் சொல்லு இறைவா..!

மஞ்சம் வந்துவிட்டாள்
மகரந்தம் பகிர்ந்துவிட்டாள்
மாய உலகிற்கே
எனையழைத்துச் சென்றுவிட்டாள்..!

இது முடிவா
இது தொடரா
இது இரண்டா
பதில் சொல்லு இறைவா..!

என்னுடனே இருப்பாளோ
எனதுயிரில் கலப்பாளோ
என்மூச்சில் நிறைவாளோ
எனதருமை தமிழ் தோ(மொ)ழி..!

- காகிதன்

Arise..! Awake..!

Come and talk the truth
Go and win the earth kind
when you are strong n youth
All is with you keep in mind

Find the paths are different
Gain the success constant
Listen ever olden words; Go
Prison even to win

Take it liter when you lose
Walk in lighter doesn’t matter
Look in deep may not in use
Birth and death isn’t newer

Don’t care the people who shout
Spread the love into their heart
Disguise people around the world
Discuss humanness into the crowd

Dare the Sinners close to you
Deny the way of welcome them
Try to win your death by the way
History call you dooms of day

- kagithan

கலைவாணியே..9

அன்னையே உன்னையே திண்ணமாய் எண்ணியே
என்னையே உன்னிலே கண்ணியாய் பின்னியே
எண்ணிலா பண்ணிலே உன்னிலை கண்டனன்
வண்ணமாய் மின்னிடுமு னை.

ஆதியாய் அந்தமாய் ஜோதியாய் வேதியாய்
போதியாய் (ஸ்)தூதியாய் நான்முகன் மீதியாய்
ஓலையாய் (ஸ்)வாலையாய் மாயனின் லீலையாய்
காலையாய் மாலையாய் நி(லை)ல்

ஓசையின் நாயகியே மூவுலக வேதியே
பூசையின் முன்னவளே தேவியே பேசுவேன்
உன்புகழை இன்மொழியாய் தீந்தமிழாய் கூசுமே
என்னுள்ளம் உன்நினைவால் தான்

மேன்மை நிறைந்தவளே மேலான நாயகியே
உண்மை சொரூபிணியே பாமகளே என்றும்
தருவே னெனதுகவி உன்னிடத்தில் தந்தே
பெறுவே னுனதாசி யை

நிகழ்வு கவிதை..4

50 வயது மதிக்கத்தக்க ஒருவருடன் சிறு வயதிலிருந்தே நட்பு கொண்ட மற்றொரு 50 வயது மதிக்கத்தக்க ஒருவர், தனது நண்பர் தன்னை நிராகரித்து விட்டதாக வெகு அண்மையில் நடந்த சில விசயங்களை காரணம் காட்டி நண்பர் மீது கோபம் கொள்கிறார், விலகியும் செல்கிறார். ஆனால் இவர் கோபம் கொள்ளுமளவிற்கு குறிப்பிட்ட விசயங்கள் மிகவும் சாதாரணமானவை. (உங்கள் கற்பனைக்கே விட்டு விடுகிறேன்). அவர் மிகவும் நல்லவர், சாந்தமானவர், இவரது நண்பன் இவ்வாறு கோபம் கொண்டு விலகிச் செல்வதைப் பார்த்துக் கொண்டு இருக்கும் இவரது மனநிலையை கவிதையாக்குங்கள்.

என்னுடனே இருப்பேன் என்றவனே
என்னுயிர் தோழனே
இன்னுயிரை ஈய்ந்தால் கூட
என்னுடனே என்றவனே

எத்தனையோ சோதனை வந்தும்
இணைபிரியா நண்பர்களானோம்
சின்னதொரு காரணம் கண்டு
என்னை நீயும் கோவிக்கலாமா?

சாவுகூட நம்மைப் பிரிக்க
பயந்து நடுங்கும் வேளையிலே
தாவும்மனம் சொல்லைக்கேட்டு
என்னை நீயும் வெறுக்கலாமா?

வேண்டும் உன்தன் நட்புயென்று
வேண்டாமென்றேன் கோடிபொருளை
வேண்டாமென்று சொல்வதுயேனோ
வேண்டாசில வார்த்தைகளாலே

காலம்முழுதும் காத்துக்கிடப்பேன்
திரும்பியென்னை அழைத்திடு நீயும்
காலமென்ன சொல்வது நட்பை
நாளையேநீ வந்திடுவாயே..!

நிகழ்வு கவிதை..3

கடவுளைப் பற்றி அதிகம் நினையாத ஒரு சாதாரண உழைப்பாளி முன் கடவுள் தோன்றுகின்றார். அந்த மனிதனின் மனநிலை பற்றிய கவிதை வரையுங்க

உன் பொழுதைப் போக்க
என்னைக் பார்க்கவந்தாயோ..!
சிறிது ஓய்வெடுத்துக்கொள்
என் வேலையை
முடித்துவிட்டு வருகிறேன்.

நான் கொண்டுவந்த பழையசோறை
பானையில வச்சிருக்கேன்
பசியோடு வந்திருப்பாய்
போய் சாப்பிட்டு
பசியாறு பின் பேசலாம்

எல்லாத்தையும் சாப்பிட்டுறாத
எனக்கு கொஞ்சம் மிச்சம் வை
தொட்டுக்க ஊறுகாதான்
தயங்காம சாப்பிடு
தண்ணிகூட பக்கத்தில் இருக்கு

உங்கிட்ட ஒரு கேள்வி
ராமர் பாலத்தை
கட்டுனது யாரு?
…..
ஐயா கடவுளே நில்லுங்க
எங்க போறீங்க சாப்பிட்டாவது போங்க...